တရွရွ
အသည်းယား ညတစ်ည။
တဂျစ်ဂျစ်
ညကို ကုတ်ခြစ်ကြ။
ငါ့ညကို ငုံ့ကြည့်မိတော့
ညရဲ့ ရင်အုံကြီး ဟပ်တက်ကွဲ
အခန်းကလေးထဲက ည
တစ်ပိုင်း တစ်စ ဖြစ်ခဲ့ပေါ့။
တိတ်ဆိတ် စူးရှ
ညရဲ့ အော်သံတို့ တိမ်ဝင်သွားတဲ့ အခါ
ညမုဆိုး ပိုးဟပ်များ
အိပ်တန်းပျံ သွားကြတော့ရဲ့ ။
ငါ့အတွက်
တစ်ပိုင်း တစ်စစီ ဖြစ်ခဲ့တဲ့ ညကို
အပျိုရည်မပျက် ပြန်ရဖို့
နေ့တစ်နေ့ကို ငှါးလိုက်တယ်။
နွေမင်းသစ်
ငယ်ငယ်က ရေးခဲ့တဲ့ ကဗျာလေးတစ်ပုဒ်ပါ။တလွယ်တကူ ရနိုင်တဲ့ နေရာ မသိမ်းမိဘူး။ကိုဆူးရင့် သူ့နေရာတင်ထားတာတွေ့တော့ ပြန်ကူးပြီး တင်လိုက်တယ်။ကိုဆူးရင့်ကို ကျေးဇူးတင်ရမှာပဲ။ရေးစရာ ရေးမထွက်တဲ့ အချိန်လေးတွေမှာပေါ့။
No comments:
Post a Comment