တစ်ချိန်မဟုတ်ရင် တစ်နေရာ(များသောအားဖြင့်မထင်မှတ်ဆုံး
ကိုယ့်ပစ္စုပ္ပန်ဟာ သူ့ အတုနဲ့ လဲပြီးထားသွားခဲ့
ချွတ်ထားခဲ့တဲ့မျက်နှာဖုံးကပါ ကိုယ့်ကိုနေ့ခင်းကြောင်တောင်မှာ
ပခုံးချင်းဝင်တိုက်ပြီးမိုက်ကြည့်ကြည့်သွားတာ
ညတွေမှာ ငြိမ်တော့မှဂယက်ထထိုင်တဲ့အခါ) ဘယ်သူမဆို
သူ့နည်းသူ့ဟန်နဲ့ သူ့ကိုလံဘတ်သူပြန်ဖြစ်ရတယ်
ဖြတ်ခဲ့ပြီးတဲ့သမုဒ္ဒရာပြန်ဖြတ်ရ၊ ဆိုပါတော့
အမေရိကကိုပြန်ရှာဖွေရတယ်
အကြိမ်ကြိမ်ရှာဖွေတွေ့ရှိဖူးခဲ့၊ ကမ်းကပ်ခဲ့
အကြိမ်ကြိမ်သိမ်းပိုက်ခဲ့၊ အလံတင်ခဲ့၊ မြို့ရွာတည်ခဲ့
သမိုင်းအထပ်ထပ်ရေးခဲ့၊ မှတ်တမ်းတင်ဓာတ်ပုံတွေဗွီဒီယိုတွေရိုက်ခဲ့
ပေမယ့်လည်း
ပြန်ရှာဖွေရတယ်၊ တခါပြန်ရှာဖွေရတိုင်း
အမေရိကဟာတစ်မျိုးပြောင်း လမ်းကြောင်းဟာတစ်မျိုးဖြစ်
တစ်ခေါက်တုန်းကဆို ယခင်ရှိနေသေးတဲ့ကိုလံဘတ်ကို
တခါပြန်ရောက်လာတဲ့ကိုလံဘတ်ကစိတ်မရှည်သလိုမယုံသင်္ကာကြည့်လို့
သီဟိုဠ်ကျွန်းသားဖြစ်လိုက်၊ ဂျာမာန်တိုက်သားဖြစ်လိုက်နဲ့
ကိုလံဘတ်ဟာတစ်ခါမှမသင်ယူခဲ့တဲ့ဘာသာစကားတွေပြောလိုပြော
သူ့မိခင်ဘာသာစကားနဲ့သူ့ဖခင်ဘာသာရေးကိုမေ့လို့မေ့
လိင်အင်္ဂါမသဲကွဲတာလည်း ထမင်းစားရေသောက်လိုကြုံရင်ကြုံရ
သူ့မြေပုံပေါ်မှာအရပ်ဒေသတွေပေါ်လာလိုက်ပြောင်းသွားလိုက်
သူ့အဝေးကြည့်မှန်ပြောင်းထဲမှာ
ပင်လယ်ဟာမိုးကုပ်စက်ဝိုင်းနဲ့ကန့်လန့်ဖြတ်လိုဖြတ်
အဝေးက နေလုံးကိုမြင်လိုက် အနီးကပ်သူ့မျက်လုံးသူမြင်လိုက်
သူ့နာမည်သူမမှတ်မိအောင်ရူးသွပ်လိုက်
တစ်ယောက်စီရဲ့လျှို့ဝှက်ဆိပ်ကမ်းမှာ
တစ်ယောက်စီရဲ့ကိုယ်ပိုင်ကြေကွဲသင်္ဘောဟာ
လာလာနစ်မြုပ်တာသင်္ဘောသားရဲ့ထုံးစံပဲ
ဒါကို ကိုလံဘတ်သိတယ်
ဒါပေမယ့်ကိုလံဘတ်ရဲ့ အသွေးအသားထဲမှာ
ပင်လယ်ရဲ့မာယာဟာပထမအသွေးအသားပဲ
ဘယ်သူမဆိုကြုံရတတ်တယ်
ပင်လယ်ဟာကြောင်ကလေးလိုအိပ်နေပြီး
ကောင်းကင်ဟာသူ့ကိုယ်သူစမ်းရေထဲငုံ့ကြည့်သလို
ကြည်လင်တာမှကြည်ကြည်လင်လင်ကိုဖြစ်တဲ့အခါမှာ
လာပါပြီလေအဝေးကအမှုံကလေးအစက်ကလေး
ဦးပိုင်းမှာကိုလံဘတ်ခါးထောက်ရပ်နေတာပါမှပါပါ့မလားလို့
ကမ်းစပ်မှာရပ်နေတဲ့ကိုလံဘတ်ကခါးထောက်ကြည့်လို့။ ။
ဇေယျာလင်း
၁၆၊ ဖေဖော်ဝါရီ၊ ၂၀၀၄
(ထင်ရှားသည့်အမှတ်အသား ကဗျာစာအုပ်)
No comments:
Post a Comment